“Ўзбекинвест”да уй-жойни ёнғиндан суғурта қилиш суғурта полисларини расмийлаштириш афзалликлари

• Молиявий ҳимоя

  Ёнғин натижасида уй-жойга етказилган зарар бўйича суғурта товон тўловлари амалга оширилади

• Офисга бормасдан туриб ҳисоб-китоб қилиш

  Атиги 5 дақиқа ичида суғурта полиси нархини ҳисобланг ва расмийлаштиринг

• 20% Cashback

  Суғурта мукофоти тўловини “Click” тўлов тизими орқали амалга оширинг ва “Cashback”га эга бўлинг

“Ўзбекинвест”нинг “Хавфсиз хонадон” суғурта маҳсулоти бўйича суғурталанган уй-жойга ёнғин натижасида зарар етиши, ваколатли ташкилот томонидан тегишли ҳужжат билан тасдиқланганлиги шарти билан, суғурта ҳодисаси бўлиб ҳисобланади ва суғурта суммаси доирасида етказилган зарар харажатлари қоплаб берилади.

“Хавфсиз хонадон” суғурта маҳсулоти бўйича қуйидаги воқеалар оқибатида юз берган суғурта ҳодисаси ҳисобланмайди ва суғурта товон тўловлари амалга оширилмайди:

• қасддан қилинган ҳар қандай ҳаракат ёки ҳаракатсизлик оқибатида ёнғин содир бўлиши;
• суғурталанган уй-жойда осон ёнувчан моддалар, буюмларни сақлаш ва ёнғин хавфсизлиги қоидаларининг бузилиши;
• кадастр ҳужжатига эга бўлмаган турар жой ва мазкур жойнинг конструктив ажралмас қисми бўлган қурилмаларда (тандирхона, омборхона, молхона ва бошқалар) юз берган ёнғин.

Содир бўлган воқеани кўриб чиқиш учун тақдим қилинадиган ҳужжатлар рўйхати:

• ариза;
• хонадонга эгалик қилиш ҳужжатлари;
• зарарланган уй-жойнинг фотосуратлари;
• тегишли давлат идораларидан уй-жой зарарланиши, шикастланишининг келиб чиқиш сабабларини тасдиқловчи ҳужжатларнинг асли;
• лойиҳа-смета ҳужжати.