“A.M. Best” Халқаро рейтинг агентлиги “Ўзбекинвест”га республикада “bb” даражасидаги энг юқори рейтингни берди

Жорий йилнинг 18 февраль куни “A. M. Best Company” Халқаро рейтинг агентлиги (АҚШ) “Ўзбекинвест” экспорт-импорт суғурта компанияси Акциядорлик жамиятига кредит рейтинги берилганлигини расмий эълон қилди.

“Ўзбекинвест” миллий молия бозоридаги “Барқарор” прогнози билан “bb” даражасидаги барқарорлик молиявий рейтингига эга бўлган биринчи компания бўлди.

Шундай қилиб, компания Ўзбекистон молия секторининг барча иштирокчилари орасида халқаро рейтинг агентликлари томонидан берилган энг юқори рейтинг соҳибига айланди. 

Агентлик таҳлилчиларининг таъкидлашича, компаниянинг юқори молиявий барқарорлиги мавжуд рискларни инобатга олинган ҳолдаги юқори капиталлашув даражаси билан таъминланади. Компания консерватив инвестиция стратегиясига амал қилади, шу билан бирга компания инвестициялари “ААА” даражасидаги энг юқори кредит рейтингига эга бўлган облигациялар ва бошқа қимматли қоғозларга жойлаштирилган.

Компания профилига берилган баҳо ривожланиб бораётган Ўзбекистон суғурта бозоридаги юқори мавқеи ва қайта суғурталаш воситаларидан кенг фойдаланишида ўз аксини топади. 

“A. M. Best Company” томонидан “bb” даражасидаги халқаро рейтингнинг берилиши “Ўзбекинвест” компаниясининг кредитга лаёқатлилигининг юқори даражаси ва рискларининг паст даражадалигидан далолат беради, халқаро қайта суғурта бозорларига чиқиш ва экспорт хизматлари ҳажмини оширишга, шунингдек, Ўзбекистон бозоридаги операциялар спектрини кенгайтиришга имконият яратади.

Туну-кунлик қўнғироқлар маркази: (+998) 71−207−60−00.

Суғурта хизматлари онлайн: insurance.uz

Facebook: fb.com/Uzbekinvest

Instagram: @uzbekinvest_

Telegram: t.me/uzbekinvestnic

YouTube: youtube.com/channel

«Яндекс.Мусиқа»: music.yandex.ru/album